IceWell 

Farsældarnetið er samstarfsvettvangur fyrir fræðafólk og aðra sem hafa áhuga á rannsóknum á málefnum barna og fjölskyldna. Rannsóknir á farsæld barna og áhrifum þjónustu félags-, heilbrigðis- og menntakerfis á líf, lífskjör og lífsánægju þeirra í bráð og lengd snúast um fjölbreytileg viðfangsefni, allt frá ytra umhverfi (manngerðu og félagslegu), stofnunum sem veita þjónustu, hvernig þjónusta er veitt og hverjir veita hana, nærumhverfi, vinum og fjölskyldu barns og síðast en ekki síst beinast þær að barninu sjálfu. Megintilgangur netsins er að vekja athygli á rannsóknum sem snúa að farsæld barna og kortleggja þær barnarannsóknir sem er verið að vinna hér á landi. Auk þess er netinu ætlað að tengja saman rannsakendur og skapa vettvang fyrir þverfaglegt samtal. Farsældarnetið stendur reglulega fyrir mál- og vinnustofum, ráðstefnum og öðrum opnum viðburðum.